Quote image editor
“THE PUDDOCK A puddock sat by the lochan's brim, An he thought there was never a puddock like him. he sat on his hurdies, he waggled his legs, An cockit his heid as he glowered through the seggs. The biggsy wee cratur was feelin that prood, He gapit his mou an he croakit oot lood: 'Gin ye'd a like tae see a richt puddock,' quo he, 'Ye'll never, I'll sweer, get a better nor me. I've femlies an wives an a weel-plenished hame, Wi drink for my thrapple an meat for my wame. The lasses aye thocht me a fine strappin chiel, An I ken I'm a rale bonny singer as weel. I'm nae gaun tae blaw, but th' truth I maun tell - I believe I'm the verra McPuddock himsel.'... A heron was hungry an needin tae sup, Sae he nabbit th' puddock an gollupt him up; Syne runkled his feathers: 'A peer thing,' quo he, 'But - puddocks is nae fat they eesed tae be.” — John M. Caie