“~ رَبِنَا شَاهِدْ علَى حُبِيِ لِيِكْ، مَهْمَا إِتْكَلِمْتْ وِحَكِيتْ مِشْ هَعْرَفْ أَوْصِفُهْ، عَلَشَانْ إِنْتَ حَاجَةْ غِيرْ الوَصْفْ. مَشَاعْريِ تِجَاهَكْ بِتِتْجَدِدْ، كُلْ يُومْ بِحِكَايَة جِدِيدَة، زَيّْ قِصَصْ أَلْفْ لِيلَة و لِيلَة. إِنْتَ الْنَفَسْ إِللّيِ بَتْنَفِّسْ بِيه، زَيّ القَصْرْ إللّيِ سُورُهْ بِيِحْمِيِهْ. يَاما قُلُوبْنَا شَافِت الوِيلْ، شَكْلُهُم مَجْرُوح و مَهْدُودْ الحِيِلْ.. لَكِنْ أَنَا وَاثْقَة إِن بِحُبِنَا نِفْدَرْ نِدَاوِيهْ. وِ لَوّ القَدَرْ مَعْرِفْشْ يِجَمَعْنَا، قَلْبِي هَيِفْضَلْ يِضّق بإِسْمَكْ. يِمْكِنْ إِنْتَ مِشْ لِيَّا فِي العَالَمْ دَاَ، لَكِنْ إِنْتَ مُخْتَارْ عَلَشَانْ تِكُونْ ضَهْرِيْ و حِمَايْتِي في الآخْرَة. فِيكْ طًلْسَمْ و سِرْ كبِيرْ، حَتَى المَارِدْ مَعْرِفْشْ يِصْرِفُه، حَاوِلْتْ كتِيرْ، و إستَسْلِمْتْ.. إسْتَسْلِمْتِلَكْ مِنْ غِيرْ تَفْكِيرْ. غَمَّضْتْ عِيِنيِ و سَرَحْتْ، لَقٍيتْنِي تُوهْت فِي دَوَّامْتَكْ. سِحْرَكْ ودَّانِي لعَالَمْ تَانيِ. " بَحِبَّكْ " آخِر كِلْمَة هَتِسْمَعْهَا مِنِّي، لإِنَّكْ هَتِفْضَلْ جُوَّا قَلْبِي مِيِنْ عَارِفْ؟ يِمْكِنْ حِكَايِتْنَا تِتْحِكيِ لِولَادْنَا وِوِلادْ وِلَادْنَا، بَسْ إِللّيِ مُتأكِدَة مِنُه، إِنَك هَتِفْضَلْ عايِشْ جُوَا قَلْبِي و هَتِتْدِفِن فِيهْ لمَّا أَمُوت. و فِي الجَنَّة، حُبٍّنا هَيِنْبِعِثْ مِنْ جِدِيدْ وِ سَاعِتْهَا هتْأَكِّدْ إِن رَبِنَا شَاهِدْ علَى حُبِيِ لِيِكْ ~” LoveQuotesRomantic Author:Catherine Sami