“Dala en chuny ma ol, to pod temo atema. Dala tielo machwanyore marach to pod kedo. Dala rangach madong' gunda itucho mana e kor chiel. Dala sulwe malwar gi ber. Dala wat makichopo to adhola chango. Kata mbala manie chuny to pod chiwo kwe gi hera. Dala ok ich lit, ka wadu nigo. Kata ka masira ochoponi okinyi gi kiawa. Dala giko mar chakruok. Dala muma mahoyowa gi hocho. Dala mos. Makata inindo kech, to pod itemo gi nyiero. Dala mbaka dayo mapuonjowa kit dhano gi kinde. Dala en: in gi an.” Motivational Quotes Author:— Omondi Orony