Quote image editor
“Win Ower hill an brae He comes tae play, The rantin roarin Win; He cowps the trees An lachs tae hear the din, He sweels the spate The deil's ain gate Oot ower the feckless banks. An Tilly's stooks Furl roon like deuks Wi panic i the ranks! Wi jaggit shears The duds he tears Aff lines she filled sae croose, An reek an flaws Doon lums he ca's A' steerin throwe the hoose. Ower yard an closs. A sair-like loss He spreads o hay an strae; The hens he blaws Like feather ba's Tae gie his humour play. An neist he's aff Tae tig an daff Wi' quinies fae the skweel; Like sails o ships He fulls their slips - Syne dooks them i the peel! Ower hill an brae He comes tae play, The rantin roarin Win; An grannies tell His pooers sae fell, An dra their airmchairs in.” — Jean Baxter