Quote by George Carlin

“مونږ ځانونه څومره غټ ګڼو. اوس خو هر یو کس څه نا څه بچ کوي. ' بوټي بچ کړئ، مچۍ بچ کړئ، ویل سمندري مایان بچ کړئ، سنیل چینجي بچ کړئ.' او تر ټولو زیات غرور خو يې په دې کې دې: زمکه بچ کړئ. مونږ ته خو دا هم نه دي معلوم چې د ځانونو خیال څنګه وساتو. د دا قسمه غ**و خو زه سم تنګ راغلې یم. زه د زمکې غ***ې ورځ Earth Day نه سم تنګ راغلې یم. زه دغه د چاپیریال ساتونکو نه ډیر تنګ راغلې چې ځان ورله ډیر نیک ښکاري، دغه سور پوستکي، منځ پوړي ازاد فکران چې سوچ کوي د دې هیواد یواځینۍ ستونزه دا ده چې دلته د سائیکلو لارې ډیرې نشته. دا خلک د خپلو Volvo موټرونو د پاره نړۍ خوندي ساتل غواړي. هسې هم دغه چاپیرل ساتنې غوښتونکې د زمکې سره هیڅ مینه نه لري. په فکر کې نا، نه يې لري. تاسو ته معلوم دې چې څه سره شوق لري؟ د اوسیدو د پاره یو پاک ځای. خپل استوګن ځای يې. دوئ ناکلاره دي چې په ائنده کې به یوه ورځ دوئ ته تکلیف ورسي. تنګ، په- فکر- تورو مفاداتو سره زه هیڅ شوق نه لرم. زمکې خو د دې نه زیات تکلیفونه تیر کړي. زلزلې، اوراباسونکي غرونه، د زمکې لاندې پتریو خوځیدنه، د براعظمونو بهیدنه، په لمر کې دننه د اور لمبې تیزیدنه، د لمر دننه ځینې ځایونو کې د اور مړیدینه، مقناطیسي توپانونه، د زمکې قطب او شمال برقي وضعې په بل مخ اوړیدنه .........لکونو زرګونو کلونو راهیسې په اسمان کې لمبوزنو شهاب ثاقب، لویو ډبرو او کاڼو په زمکه بمبارۍ، نړیوال سیلابونو، د سپوږمۍ د وجې جوړ شوي غټ سمندري موجونه، نړۍ کې ښور اورونه، د زمکې وروستیدنه او رالویدنه، اسماني شغلې، بیا بیا راتلونکې د واورې دورونه، ..... او مونږ سوچ کوو چې یو څو پلاستک بوجۍ او یو څو د الومینیم ډبي به ډیر فرق راولي؟ زمکه چیرې هم ځي. مونږ ترې روان یو مونږ! مونږ روان یو. یا خلکو! خپل غ* غوشایه مو تړئ. مونږ روان یو. او زمونږ به داسې خاص څه نخښې هم پاتې نشي. کیدې شي لږ د سټائروفوم پلاسټک نخښه به پا تې شي. زمکه به هم دلته وي او مونږ به ترې پخوا تلي یو. د تغیر خوړونکې یو بل ناکامه تجرباتي مخلوق په شان. یو بل حیاتیاتي غلطۍ په شان چې هیڅ ائنده نه لري. یوې بندې ارتقايي کوڅې په شان. دا زمکه به مونږ له خپل بدن نه داسې وڅنډوي لکه کوټک چې پریوځي. مونږ به ترې لاړ یو او دا زمکه به ډیر لوی، لوی او لوی وخت د پاره موجوده وي، او خپل بدن به پخپله روغ کړي، خپل ځان به سپا کړي، ځکه چې زمکه هم دغه شان کوي. زمکه داسې نظام لري چې ځان پخپله رغوي. دا هوا او دا اوبه به بیا روغې شي، زمکه به نوې شي. او که دا رښتیا وي چې پلاسټک په زمکه کې نه ماتیږې، نه وروستیږي او نه ختمیږي، نو په دې کې څه، زمکه به په اسانې سره دا د خپل نوي نظام برخه کړي: زمکه + پلاسټک. زمکه زمونږ په شان پلاسټک سره څه تعصب نه لري. پلاسټک خو د زمکې نه راغلې دې. کیدې شي زمکه پلاسټک ته هم هغسې ګوري لکه چې خپلو نورو بچو ته ګوري. کیدې شې زمکې زمونږ د پیدا کیدو اجازه هم ځکه ورکړې وه چې پلاسټک يې پکار و. خو د جوړولو چل نه ورتلو. نو مونږ ته يې حاجت شو. کیدې شي دا ځواب وي زمونږ د هغه ځان – غټ – ګڼونکي، ځان - خوښونکي فلسفیانه سوال چې دا دې: مونږ دلته ولې راغلي یو؟ ځواب يې پلاسټک دې ...... ک*****و!”

Quote by George Carlin