“तीनेक हजार वर्षापूर्वी तुम्हा हिंदूप्रमाणेच आमचेही अनेक देव होते. त्यांचं वागणं खूपसं मानवासारखं होतं. ते रागवा- रुसायचे. संतुष्ट होऊन आशीर्वाद द्यायचे. ते इथंच माउंट ऑलिम्पसवर राहायचे तरी तिथून खाली उतरून आपण वावरतो तसेच ते लोकांमधे मिसळायचे. खाय-प्यायचे. त्यानंतर आलेल्या गंभीर प्रकृतीच्या किहॅनिटीनं ते बदलून टाकलं. पण मूळची भाषा, देव, तत्त्वज्ञान, कला-कल्पना आणि प्रवृत्ती यांचा कायमचा ठसा आमच्यावरच नव्हे तर सबंध पाश्चिमात्य संस्कृतीवर उमटलेला आहे. भाषेचंच बघ ना. नुसतं इंग्लिश पाहिलं तरी त्यातले वीस टक्के शब्द ग्रीक आहेत किंवा ग्रीकवरून आलेले आहेत.”
Book:Greekanjali