“THE TRYST O luely, luely cam she in And luely she lay doon: I kent her by her caller lips And her breists sae sma' and roun'. A thru the nicht we spak nae word Nor sinder'd bane frae bane: A' thru the nicht I heard her hert Gang soundin' wi' my ain. It was aboot the waukrife hour When cocks began to craw That she smool'd saftly thru the mirk Afore the day wud daw. Sae luely, luely cam she in Saie luely was she gaen; And wi' her a' my simmer days Like they had never been.” Scots LanguageTryst Book:Into a Room: Selected Poems Source: Into a Room: Selected Poems
